AZ

ABŞ gələcəyin PUA-sını seçir – "AeroVironment Jump 20" daha irəlidədir

986e30485a06a3c0145e215045313f5f.jpg
16.03.2023 15:57

ABŞ Ordusu Gələcəyin Taktiki Pilotsuz Uçuş Aparatı Sistemi (FTUAS) proqramının ikinci mərhələsi çərçivəsində "AeroVironment Jump 20" PUA-sını seçib.

 

"Army Recognition"ın hesabatına görə, "AeroVironment" şirkəti 28 fevral 2023-cü il tarixində ABŞ Ordusu tərəfindən Gələcəyin Taktiki Pilotsuz Uçuş Aparatı Sistemi (FTUAS) proqramını inkişaf etdirmək üçün seçildiyini açıqlayıb. "AeroVironment" bundan əvvəl FTUAS proqramının birinci mərhələsini uğurla başa vurmuşdu.

 

Gələcəyin Taktiki Pilotsuz Uçuş Aparatı Sistemi (FTUAS) Proqramının 2-ci mərhələsində "AeroVironment" şirkətinin "Jump 20" VTOL PUA-sı eyni sinifdə olan çoxsaylı PUA sistemləri ilə rəqabət aparacaq. Proqrama əsasən, hazırda istifadədə olan RQ-7B "Shadow" PUA-sını əvəz edəcək yeni sistem ABŞ ordusundakı döyüş bölmələrinə çatdırılacaq.

 

"AeroVironment" tərəfindən hazırlanan "Jump 20" üstün performansı və döyüş bölmələri ilə meydana çıxacaq. Bu çərçivədə şirkət prototip sisteminin hazırlanması üçün FTUAS layihəsi çərçivəsində yeni müqavilə qazanıb. "Jump 20" müvafiq proqramın 0-cı mərhələsi, 1-ci mərhələsi və 2-ci mərhələsi nəticəsində müqavilə əldə edən yeganə PUA-dır.

 

"AeroVironment Jump 20" ABŞ hərbi qüvvələrini dəstəkləmək üçün geniş şəkildə tətbiq olunacaq, şaquli uçuş və eniş (VTOL) icra edə bilən sabit qanadlı pilotsuz uçuş aparatıdır. Çoxmissiyalı əməliyyatlar üçün ideal olan "Jump 20" 14 saatdan çox uçuş müddəti və 185 kilometr əməliyyat mənzilinə malikdir.

 

Sistem işə salma və ya bərpa avadanlığına ehtiyac olmadan 60 dəqiqədən az müddətdə qurula və işə salına bilər. PUA 13,6 kiloqrama qədər yükgötürmə qabiliyyətinə malikdir. "Jump 20", həmçinin əməliyyat və ya müştəri tələblərinə cavab vermək üçün xüsusi olaraq konfiqurasiya edilə bilən və modul platforma təmin edən ümumi avtopilot və yerüstü idarəetmə sistemi arxitekturasına malikdir.

Dünya bölməsindən digər xəbərlər

Daha çox