Naxçıvan Muxtar Respublikasının İqtisadiyyat Nazirliyi yanında Dövlət Vergi Xidməti tərəfindən yeni nəsil nəzarət-kassa aparatları (NKA) vasitəsilə 2025-ci ilin yanvar ayında qeydə alınan dövriyyə 32,4 milyon manat təşkil edib.

Bu barədə TED.az-a Dövlət Vergi Xidmətinə istinadən xəbər verir.

Məlumata görə, bu göstərici 2024-cü ilin yanvar ayı ilə müqayisədə 13,3% çoxdur.

Bildirilib ki, indiyədək MR-də “ƏDV geri al” layihəsi çərçivəsində istehlakçılara 2,4 milyon manatdan çox ƏDV məbləği geri qaytarılıb.

Qeyd olunub ki, bu ilin yanvar ayında istehlakçılara qaytarılan məbləğ ötən ilin eyni dövrünə nisbətən 11,9% artaraq 145,9 min manat olub.