Şəxsi köməkçilər, şübhəsiz ki, ehtiyac duyduğumuz zaman köməyimizə gəlir. Bunların arasında ən məşhuru Apple-ın əfsanəvi Sirisidir.

Bəs niyə bu köməkçi məhz Siri adlanır?

Bir texnologiya şirkəti rəqəmsal köməkçinin adını seçəndə bir neçə şeyi nəzərə alır.

Bu ad diqqəti cəlb edəcək qədər unikal, lakin yadda saxlamaq asan olmalıdır. Səslə aktivləşdirilən köməkçilər üçün ad tələffüz etmək asan olmalıdır, lakin o qədər də adi olmamalıdır ki, istəmədən işə salınsın. O, həmçinin digər sözlərdən fərqlənməli və mızıldanan, pıçıldayan və ya vurğulu səslərdən istifadə edən insanlar tərəfindən deyildikdə fərqli və unikal olmalıdır. Bundan əlavə, əlbəttə ki, şirkətin brendi ilə uyğun olması da vacibdir.

Siri əvvəlcə DARPA-nın PAL (Personalized Assistant Learning) təşəbbüsü çərçivəsində böyük süni intellekt layihəsinin bir hissəsi kimi yaradılmışdır.

2007-ci ildə tədqiqat institutu SRI International-dan ayrıldı və üç il sonra Apple tərəfindən satın alındı. Sirinin həmtəsisçisi Adam Çeyerə görə, Siri, yadda saxlaması asan, yazması qısa və tələffüzü asandır.

Ümumi olmayan bir ad seçmək də çox vacib idi. Siri-nin Norveç CEO-su Dig Kittlaus da bu adın pərəstişkarı idi. Çünki norveç dilində Siri “Sizi qələbəyə aparan gözəl qadın” deməkdir.

Sirinin suahili dilində “Gizli” mənasını verməsi Adam Çeyeri də heyran etdi.

Bilinməyən səbəblərdən Stiv Jobs Siri adını bəyənmədi. Buna görə də o, komandasına daha yaxşı alternativlər hazırlamağı tapşırdı. Bununla belə, Cobs komandanın digər fikirlərini də şəxsi köməkçi adlandırılmağa layiq görmədi.

Əlbəttə ki, Jobsun başqa ad namizədləri var idi, lakin Apple təqdimatında bu şəxsi köməkçinin adı gözlənilmədən Siri olaraq elan edildi. Bu xəbər Siri-nin baş direktorları üçün böyük sürpriz oldu və beləliklə, Siri Apple-ın şəxsi köməkçisi oldu.